Dä Maibummel 2024

S'hed grägnet, dä ganzi Tag.
Chund ächt hinicht eppär, das isch eysi Frag.

Dä Maibummel isch nämlich ufm Plan
und mä cha cho, ganz spontan.

Am haubi 7ni isch dä Träffpunkt.
Dä Rägä isch nimmä so schlimm, heds eys dunkt.

Juhui, vo aunä Seytä sinds de a marschiärt.
21 Fraiä, hemmer freidig notiärt.

Mit dä Schirm simmer gmiätlich zum Schiässstand Haltli gloffä,
wo zwei Fraiä scho hend Vorbereitigä troffä.

Für d'Wurscht isch är parat, dä Grill.
D'Gluät längt ai für zwee, wenn eppär will.

Äs paar Chiächä derfid ai nid fählä.
Vo feyf verschiedänä chamä uiswählä.

Und grad eppä so viu Sortä Schnäpsli heds zum probiärä.
Si passid is Kaffe oder näbäzuächä -  nur nid gross studiärä.

Dass so viu Fraiä sind go bummlä, hed s'OK wirklich gfreid.
Drum organisiärids miär s'nechscht Jahr wieder, hemmer zunänand gseid.

Verfasst von OK Mitglied A. Murer